TAITH FLYNYDDOL CYMDEITHAS EDWARD LLWYD. 2020
Gohiriwyd taith flynyddol 2020 oherwydd y coronafeirws. Gobeithir ymweld â’r Arfordir Jwrasig yn y cyfnod 19-25 Mawrth 2021. Mae’r arfordir yn ymestyn am ryw 95 milltir ar hyd y Sianel, o ddwyrain Dyfnaint ymlaen drwy Dorset. Byddwn yn lletya yn West Lulworth yn nwyrain Dorset, safle sydd yn gyfleus i rai o drysorau’r arfordir.
Dynodwyd yr arfordir yma yn Safle Treftadaeth y Byd gan UNESCO yn 2001 ar sail ei daeareg unigryw. Daeareg sydd wedi cyfrannu cymaint i astudiaethau daear ac sydd yn sail amrywiaeth o gynefinoedd yn cynnal cyfoeth o fywyd gwyllt. Gellir cael manylion pellach gan y Jurassic Coast Trust - http://www.jurassiccoast.org
Fe drefnir rhaglen o deithiau maes yn ymweld â rhai o brif nodweddion yr arfordir yn ystod yr wythnos - manylion i’w cadarnhau.
Os oes gennych ddiddordeb ymuno a ni, cysylltwch â Carys Parry neu Magi Roberts gan ddefnyddio’r ffurflen amgaeedig.
PENWYTHNOS Y GYNHADLEDD FLYNYDDOL
2 - 4 mis Hydref 2020 Gwesty'r Celt, Caernarfon. (Mae'r Pwyllgor Gwaith yn monitro'r sefyllfa yng nghyswllt coronafeirws.)